منتديات حجازة التعليمية
ضيفنا الكريم
حللت أهلاً .. ووطئت سهلاً ..
أهلاً بك بين اخوانك واخواتك
آملين أن تلقى المتعة والفائدة معنا
حيـاك الله
نتمنى أن نراك بيننا للتسجيل
مع خالص التحية بدوام الصحه والسعاده
ادارة منتديات مدرسة حجازةالثانوية المشتركة



 
البوابةالرئيسيةالتسجيلدخول

شاطر | 
 

 اهداء للاستاذ محمد السباعى

اذهب الى الأسفل 
كاتب الموضوعرسالة
همس الحياة
عضو جديد
عضو جديد
avatar

انثى عدد الرسائل : 18
العمر : 25
نقاط : 2848
تاريخ التسجيل : 05/01/2011

مُساهمةموضوع: اهداء للاستاذ محمد السباعى    السبت يناير 08, 2011 8:41 pm


قصيدة جحا للشاعر هشام الجخ
شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة
مش لاقى تطفح اديك
هاتولنا وجيبولنا وادونا
ودونا هنجيب منين نديك
مش لاقى تطفح اديك
طافح يابلدى غداى ولوعتى غداى
وادى الاحبة التقوا واجمعوا عداى
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا بوبة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى حبس اعتباطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
بتكرهينى عيونك السودا
وايامى اللى فاتت
منتيش حبيبتى من النهاردة
حبيبتى ماتت

علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة
كل الكلام اتقال
والشعر بقى ماسخ
والصبر علو جبال
والظلم شى راسخ
وطن وغرقان فى النطاعة
كل شئ ريحته نطاعة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة
الحب جواك استحالة

وده رابط الفيديو من برنامج العاشرة مساء

اصله بصراحة القراءة لا تغنى عن صوته وطريقة القائه المؤثرة

https://www.youtube.com/watch?v=z90qk08RKkM


الرجوع الى أعلى الصفحة اذهب الى الأسفل
محمد السباعى
نائب المدير
نائب المدير
avatar

ذكر عدد الرسائل : 1960
العمر : 37
العمل/الترفيه : موجه كمبيوتر بالأزهر الشريف
المزاج : الكمبيوتر والانترنت وكرة القدم
نقاط : 7258
تاريخ التسجيل : 26/02/2009

مُساهمةموضوع: رد: اهداء للاستاذ محمد السباعى    السبت يناير 08, 2011 9:43 pm

أولاًًً : أنا بشكر الأخت همس الحياة واللى واضح من مواضيعها انها عضو نشيط ومكسب قوى لمنتديات حجازة الثانوية .
ثانيا: أنا بشكرك على الإهداء الجميل دهوإن شاء الله فى انتظار مزيد من مواضيعك الشيقة.

_________________
محمد السباعى
ــــــــــــــــــــــــــــــــــــــــــــــــــــــــــــــــــ
مشرف قسم برامج الكمبيوتر والأنترنت
بكيت على الشباب بدمع عيني فلم يغن البكاء ولا النحيب
الا ليت الشباب يعود يوما فاخبره بما فعل المشيب
عريت من الشباب وكان غضا كما يعرى من الورق القضيب
الرجوع الى أعلى الصفحة اذهب الى الأسفل
 
اهداء للاستاذ محمد السباعى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حجازة التعليمية :: المنتديات العامة :: المنتدى العام-
انتقل الى: