منتديات حجازة التعليمية
ضيفنا الكريم
حللت أهلاً .. ووطئت سهلاً ..
أهلاً بك بين اخوانك واخواتك
آملين أن تلقى المتعة والفائدة معنا
حيـاك الله
نتمنى أن نراك بيننا للتسجيل
مع خالص التحية بدوام الصحه والسعاده
ادارة منتديات مدرسة حجازةالثانوية المشتركة



 
البوابةالرئيسيةالتسجيلدخول

شاطر | 
 

  شاعر مصري موهوب بالفطره

اذهب الى الأسفل 
كاتب الموضوعرسالة
محمد السباعى
نائب المدير
نائب المدير
avatar

ذكر عدد الرسائل : 1960
العمر : 37
العمل/الترفيه : موجه كمبيوتر بالأزهر الشريف
المزاج : الكمبيوتر والانترنت وكرة القدم
نقاط : 7308
تاريخ التسجيل : 26/02/2009

مُساهمةموضوع: شاعر مصري موهوب بالفطره    الأربعاء سبتمبر 22, 2010 4:42 pm

ادخل عل اليوتيوب واكتب هشام الجخ ومني الشاذلي بجد من اجمل ما سمعت

روعه


قصيدة جحا للشاعر هشام الجخ


شعور سخيف
إنك تحس بإن وطنك شيء ضعيف
صوتك ضعيف
رأيك ضعيف


إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة


يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا
قصيدة للشاعر هشام الجخ جااامدقصيدة للشاعر هشام الجخ جااامد


يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة



علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين


هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله


_________________
محمد السباعى
ــــــــــــــــــــــــــــــــــــــــــــــــــــــــــــــــــ
مشرف قسم برامج الكمبيوتر والأنترنت
بكيت على الشباب بدمع عيني فلم يغن البكاء ولا النحيب
الا ليت الشباب يعود يوما فاخبره بما فعل المشيب
عريت من الشباب وكان غضا كما يعرى من الورق القضيب
الرجوع الى أعلى الصفحة اذهب الى الأسفل
محمود الصعيدي
مشرف
مشرف
avatar

ذكر عدد الرسائل : 699
العمر : 50
العمل/الترفيه : مجال المحاماة
المزاج : مرح
نقاط : 4463
تاريخ التسجيل : 25/02/2010

مُساهمةموضوع: رد: شاعر مصري موهوب بالفطره    الخميس سبتمبر 23, 2010 8:44 pm

مشكور يا استاذ محمد علي هذة القصيدة فهي معبرة عن حال الشعب في هذا الزمان ولو ان الشاعر قال مش حاشحت رغيف حاشحت وطن انا احب اقولة احنا شحتنا الوطن من 20سنة الله لايسيئك لاتقلب المواجع ياريت ياستاذ محمد تحط هذة القصيدة مع اخري من مواضيعي تحت عنوان يعني اية كلمة وطن جنبا بجنب في صفحة واحدة علشان يكملوا بعض وشكرا
الرجوع الى أعلى الصفحة اذهب الى الأسفل
ايمن انجليزي
مشرف
مشرف
avatar

ذكر عدد الرسائل : 1570
العمر : 32
العمل/الترفيه : system files manager
المزاج : كرة القدم والانترنت
نقاط : 5962
تاريخ التسجيل : 23/02/2009

مُساهمةموضوع: رد: شاعر مصري موهوب بالفطره    الأحد سبتمبر 26, 2010 11:03 am

مشكووووووووووووووووووور

_________________
المشرف الرياضى بالمنتدى


لا تُخْفِ مَا صَنَعَتْ بِكَ الأَشْـوَاقُ وَاشْـرَحْ هَـوَاكَ فَكُـلُّنَا عُشَّـاقُ

قَدْ كَانَ يُخْفِي الحُبَّ لَوْلاَ دَمْعُـكَ الجَـارِي وَلَوْلا قَلْبُـكَ الخَفَّـاقُ

فَعَسَى يُعِينُكَ مَنْ شَكَوْتَ لَهُ الهَوَى فِي حَمْلِـهِ فَالعَاشِـقُونَ رِفَـاق
الرجوع الى أعلى الصفحة اذهب الى الأسفل
علاءاحمد السباعى
مشرف
مشرف
avatar

ذكر عدد الرسائل : 1226
العمر : 33
العمل/الترفيه : مدرس تربيه رياضية بالازهر
المزاج : كره القدم والكمبيوتر
نقاط : 6493
تاريخ التسجيل : 03/03/2009

مُساهمةموضوع: رد: شاعر مصري موهوب بالفطره    الأحد سبتمبر 26, 2010 11:42 am

[b]مشكور استاذ محمد على
اخيك

_________________
مشـــــرف القـــســـم الــريــاضـى بــالــمـنـتـــدى


****الحمد لله*****
تعلمت أن الحياة لاتعطي إلا من يعطيها ولا تكافئ إلا من يقدرها
ولا تقف إلا عند من يتحرك لها ولكن احذر منها فهي سريعة التقلب والدوران
فسرعان ماتديرلك ظهرها وتقلب وجهها الذي تعتقد أنه جميل إلى وجه قبيح
فاحذر رعاك الله من فتنها واتركهها وراء ظهرك
وأقبل إلى ربك الكريم طالبا وراغبا ماعنده
الرجوع الى أعلى الصفحة اذهب الى الأسفل
 
شاعر مصري موهوب بالفطره
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حجازة التعليمية :: المنتديات العامة :: المنتدى العام-
انتقل الى: