حقايق مضحكه جدا فى حياتنا يا ترى هى ايه ؟؟؟

انهارده قولت اغير واقلب ضحك وفرفشه كل يوم مواضيع مواضيع
بالصدفه
داخله على احدى المواقع للتصفح فيها
لاقيت الاطروحه دى موجوده ضحكت جدا عارفين ليه لانها بتعبر عن حقايق مضحكه جدا فى حياتنا لكن للاسف بعد ما خلصت ضحك
لاقيت اننا فعلا هنموت من كل ده من الغيظ والفرسه والسم والزهق والحسره والجوع والحزن لكن فى النهايه لاقيت ان افضل حل علشان نعيش فى الدنيا دى يبقى لازم اخر حل اللى هو
اعمل نفسك مش واخد بالك وخليك فى حالك
واليكم الحقايق المضحكه




عاوز تموت شهيد ؟ يا تركب طيارة – يا تركب عبارة


عاوز تموت من الجوع؟ يا تشترى شقة – يا تشتري عربية بالتقسيط


عاوز تموت من الحسرة؟يا تتفرج على الفاترينات فى سيتى ستارز- يا تروح زيارة لمارينا


عاوز تموت من الغيظ؟ يا تتفرج على القنوات المحلية – يا تتفرج على النشرة الجوية


عاوز تموت من الزهق؟ يا تستنى القرعة تفتح – يا تستنى دورك فى طابور التأمين الصحى


عاوز تموت من الهبل ؟ياتخش على النت- ياتسمع نجوم الاف ام


عاوز تموت مخنوق؟ يا تروح مصلحة حكومية – يا تقرأ الجريدة اليومية


عاوز تموت مهروس؟يا تركب مواصلات - ياتقف فى الانتخابات


عاوز تموت مرعوب؟ يا تستنى نتيجة الثانوية - يا تستنى نتيجة تحاليلك الطبيه


عاوز تموت مسموم ؟ كل من الفاكهة والخضار اللى فى السوق


عاوز تموت مشهور؟ ياتموت ابن وزير – يا تبقى رئيس الوزرا


عاوز تموت مليونير؟ يا تعمل فيديو كليب- يا تلعب كورة


عاوز تموت ورا الشمس؟ يا تشغل مخك – يا تفتح بقك


عاوز تموت من الحزن؟ يا تفكر دايما فى احوالك – يا تحط الحكومة فى بالك


عاوز تموت فى حالك؟ اعمل نفسك دايما ....... مش واخد بالك




اعلم جيدا ان هذه اطروحه ليس الا لكنها تحمل
فى مضمونها معانى كثيره وحقائق اكثر
ارجوا ان تكونوا وصلتوا لمغزى الكلام
او الهدف منه اكيد كلنا فاهمين ان الكلام ملوش
غير معنى واحد الا وهو ........
بدون تفسير
لانى لو فسرت هحتاج صفحات وصفحات

مشكور علي مرورك الكريم واتمني ان تنال موضوعاتي اعجابك

عموما انا عايز اموت كما كتب الله لي وهي اطروحة رائعة لانها تتكلم وتنطق بالحقيقة المرة