فلسفة حمار - ضحكة من القلب

فلسفة حمـار

عجبي عليك يا ابن آدم ياكبير الدار
قومت الدنيا وماقعدت لما قالو حمار
هو اسمي شتيمة و لاجنسي ده عار
خلقني ربي و خلقك ولا حدش لهخيار
وأنا مهما زاد الحمل فوقي صابر على المشوار
لافي يوم أقول اشمعنى أخويا وأخد منه تار
ولايوم أبص لرزق غيري و أطلق منه وأغار
ولا أرفع في يوم عيني على جارتي و أصون الجار
ولامهر أدفع لحمارتي وشبكة وسوار
ولاشقة أجمع في تمنها ولا أجهز دار
ولاحرمي حامل تتوحم عايزة الكفيار
ولابنت تخرج عن طوعي وتجيب العار
ولاابن يدمن ويهلوس ويقع ينهار
عايش في حالي متهني وليه أفكار؟
باكل وباشرب وأنهق ومافيش أسرار
وعندي ابن أدم يخدم يخدمني ليل ونهار
ان جعت يشتري برسيمي بأغلى الاسعار
وفي مرضي يفضل يعالجني ويدعي الستار
خادم أمين من غير راتب ولاحتى ايجار
والحين عرفت يابني آدم..
مين فينا حمــــــــــار ؟؟

» فلسفة النمل
» دعوة من القلب الى القلب
» اضحك من القلب
» نعمة رقة القلب
» ضخ الدم فى القلب