المسلم الوحيد فــــــ العالم

المسلم الوحيد في العالم .. والباقي ...!!

أبو صالح و أبو راشد قاعدين يطالعون الأخبار في بلدتهم بريدة في القصيم.


أبو راشد - وش قاعد تفكر فيه يا بو صالح؟


أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.


- و الله أنك صادج (صادق) يا أبو صالح. -


بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدج هم العرب اللي


يفهمون القرآن و الأحاديث.


- و الله أنك صادج يا أبو صالح. -


و بعد ترى موب كل العرب مسلمين صحيحين. عندك هالشوام و المصاروه و


المغاربه و الله حتى ما يصلون صلاة ربي. ان بغيت المسلمين الصدز تراهم أهل


الجزيرة و الخليج.


- و الله أنك صادج يا أبو صالح.. -


و موب بعد كل الخليج.. ترى كل هالدول تسمح بالخمر و بالكنايس، الدين الصدز هو


ديننا حنا يا أهل السعودية.


- و الله أنك صادج يا أبو صالح.


بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية


حريمهم بعد ما يتغطون و يشيشون، و أهل الشمال حريمهم ما يتغطون عن رجالهم


و يجلسون معهم و يضيفوهم. و أهل الجنوب مثل ما انت خابر عندهم بدع واجد.


الدين الصدز هنيه عندنا في الوسطى و القصيم.


- و الله أنك صادج يا أبو صالح.. -


بس ترى عندك هنا في الوسطى الناس يتتنون (يدخنون) و يسمعون موسيقى و العياذ


بالله. الدين الصدج هنيه ببريدة.


- و الله أنك صادج يا أبو صالح.. -


بس بعد في بريدة موب كل حارة زي الثانية، ترى أكثر أهل بريدة مركبين دشوش و


يشوفون القنوات الماجنة. ما فيه مثل حارتنا مافيها و لا دش واحد.


- و الله أنك صادج يا أبو صالح... -


بس الله يهديهم جيراننا موب دايم تشوف عيالهم في المسجد، و لا تشوفهم دايم في


صلاة الفجر. الصراحة يا بو راشد ما فيه في الحارة يصلون الفجر دايم في المسجد


الا أنا و انت.


- و الله أنك صادج يا أبو صالح..


بس أشوفك يا بو راشد هالأيام ما تخشع زين في صلاة الفجر!!





؟؟؟؟؟؟؟؟؟؟؟؟؟


لا حول ولا قوة الا بالله العلي العظيم


اللهم لا تجعل فتنتنا في ديننا

ابراهيم سعد